逢周五隨《蘋果日報》分區附送的時尚美容雜誌《add》，上星期由大美人李嘉欣擔任創刊號封面女郎，今期由靚媽陳慧琳（Kelly）穿上Chanel的白色羊毛裙華麗登場。將為好友雷頌德演唱會擔任嘉實的Kelly，最近忙於綵排仍抽空接受《add》訪問，大談家庭樂之餘，更透露老公Alex妒忌蝦餃仔劉昇黐實她，問Kelly會否再生B？她說：「No,thank you！兩個已經夠玩。」（詳細內容請參閱第二期《add》）。
囝囝主動攬錫
此外，Kelly前晚到電視城錄影無綫節目《決戰一分鐘》，她玩得相當投入，每個遊戲都表現認真，十分肉緊。Kelly自爆在家中狂練習，不過與食物有關的遊戲，不會給兒子觀看：「我一直教佢哋唔好浪費食物，電視播時同佢哋睇都要家長指引。」提及母親節，她謂未收到兒子的禮物，但大仔日前主動攬及錫她，令她十分感動，坦言勝過收禮物。
對於跑馬地玫瑰崗幼稚園兩歲男學生疑被體罰，Kelly說：「兩歲小朋友乜都唔識，真係要有耐性，今次係個別事件，我唔擔心，因為個仔間學校嘅老師好錫佢，平日佢會錄低短片畀老師睇，即係佢哋相處得好好。」
採訪：何慧斯
攝影：陳順禎
逢周五隨《蘋果日報》附送嘅時尚美容雜誌《add》雖然早已派完；拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！