前廉政專員湯顯明豪用公帑請客送禮醜聞，在官場引起陣大震盪。其實這個午餐上限位位350港元、晚餐450港元的金額，普遍為官場中人接受，覺得以香港的消費水平，算是合理，但有曾駐內地的官員卻指，若要在內地宴客，這個消費額只算「掹掹緊」，惟有各出奇謀慳住食。
有曾駐內地的政府中人稱，內地官員最愛「面子」，請客時自然要有山珍海錯才覺「畀面」，往往要做足準備工夫，先到餐廳拿價目表，「諗過度過，計啱好數先去訂菜」。
有時菜餚價格未必是問題，席間大量開紅酒、白酒才是「超支」元凶。據這位政府中人指，駐內地辦的人員近年已好「醒目」，通常都會自備紅酒到宴會場地，免卻被食肆「掠水」的危機，笑稱：「內地閒閒哋開支紅酒都話千千聲，未飲已經頭暈腳震啦。」幸好經驗告訴他，內地官員根本不能分辨何謂靚酒，就算他們帶一些「平嘢」撐場，官員也照飲如常，「其實佢哋旨在乾杯，唔旨在啲酒係點」。
設宴前有意無意呻窮
為免內地高官感覺被「待薄」，這位官場中人稱，設宴前通常都會有意無意間向他們「呻窮」，「都會借啲意講，特區政府有個飲宴上限，唔可以超標；好多時佢哋聽到450蚊一餐晚飯，會好同情咁笑，有人仲嘲笑『少得可憐』，自然唔會期望食好嘢、唔驚超標」。
季陶