無綫劇集《神探高倫布》神化到估你唔到，前晚播出嗰集直情係TVB版《雲圖》㖭！唐詩詠本身飾演嘅「梅妹」已經喺大前晚嗰集死咗，點知前晚又失驚無神出番嚟，一時扮長髮女鬼，一時扮鬼新娘，搞到觀眾一頭霧水！原來詩詠分飾嘅係司徒男，即係梅妹個女喎，夾硬嚟到呢。最抵死係黎耀祥要變身印度人查案，化到鬼五馬六，真係差啲認唔出佢哋，好在詩詠之後扮貓女，唔認得樣都認得事業線啦！
逢周五隨《蘋果日報》附送嘅時尚美容雜誌《add》雖然早已派完；拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！