緋聞多多的姜麗文，被傳戀完日本男星山下智久後，又傳戀上林德信，對於近期的戀聞，她哈哈大笑地否認，她還笑說：「如果我真係拍拖，一定會直接承認，不過其實我鍾意香港菜多啲，我媽咪細細個就話畀我知，拍拖要揀香港嘅男仔，佢哋有禮貌又有家教，而且仲好浪漫。」笑問她擇偶對象是否要像爹哋秦沛般，她笑說：「我又冇諗過喎，不過我都想好似佢哋，結咗婚咁耐仲好恩愛。」最近她與哥哥姜文杰努力籌備新碟，新歌《Forever》亦有不俗的成績，她說：「 我初初搞呢首歌因為計錯數，結果搞到超支咗好多，阿哥佢即刻刪減啲自己嘅資源，擺番去我身上，我真係好感動呀。」
採訪：何慧斯
逢周五隨《蘋果日報》附送嘅時尚美容雜誌《add》雖然早已派完；拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！