馬國明同羅仲謙大前晚喺中環拍攝無綫新劇《On Call 36小時II》，吸引劉俐（藍莓）探班。場戲講謙仔同班friend食飯都顧住打機，俾馬明教訓。咁啱藍莓約咗唐貝詩食飯經過，藍莓明知有記者都走埋去打招呼，有口痕友問：「你唔驚傳緋聞？」藍莓氣話：「同公司探班有乜出奇！」因為佢着住條超短打，唔少男途人爭住同佢影相，仲受歡迎過馬明。
逢周五隨《蘋果日報》附送嘅時尚美容雜誌《add》雖然早已派完；拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！