【銅鑼灣】歌手麥貝夷前日4點幾同男助手一齊去銅鑼灣世貿廣場濕平，佢哋一早就鎖定目標，上到二樓，化晒妝嘅麥貝夷即刻一支箭咁入咗一間時裝店去揀衫，掉低位男助手企喺門口等。見到麥貝夷專揀一啲淡色衫，不過款色就比較浮誇，佢仲順便睇埋高踭鞋，其間除咗同店員傾偈之外，佢先後六次攞部電話出嚟玩，同時下嘅年輕低頭族無異。佢嘅助手見到記者好禮貌咁埋嚟話今次係搵定衫準備下次出活動同拍MV用喎。
採訪、攝影：徐錦池
逢周五隨《蘋果日報》附送嘅時尚美容雜誌《add》雖然早已派完；拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！