曾經效力利物浦嘅烏克蘭前鋒禾路連，今季被莫斯科戴拿模外借去德甲嘅杜塞爾多夫，但佢4月練波時同隊友拉菲爾發生衝突大打出手，但球會都仲未正式罰佢哋，呢兩位仁兄就喺周二早上練完波後，自動清locker走人。球會暫時冇點講呢單嘢，但教練諾拔美亞早前已經講明，就算球隊護級陷水深火熱，餘下兩場都冇諗住預佢哋踢。