【同場加映】
禿鷹噚日去葵青區議會，白鴿黨林立志一早拉定banner招呼佢，仲有女長毛蓮姐客串扮陳玉峰。蓮姐戴咗個陳玉峰面具，向禿鷹怒斥，拉咗一個陳玉峰，仲有千千萬萬個陳玉峰！蓮姐仲準備咗個寫住白色恐怖嘅垃圾袋送畀禿鷹，混亂間扑中禿鷹頭殼頂，禿鷹當時都忍唔住睥佢一眼。
嘩！垃圾袋襲警呀，仲係打中一哥個頭喎，睇嚟重案組、O記、CIB、VIPPU、SUD都要出動啦！蓮姐講笑話好歡迎警方拉佢，驚都未驚過，唔怕被通緝。查實禿鷹落區前，有警察叔叔已預早一個星期同區議員打定招呼，話希望唔好有示威。點解？阿蛇話指揮官林耀榮初嚟甫到，一哥喺佢環頭俾人質，會「唔係咁好睇」喎，當然大家睬佢都儍啦。