【中環】賭王個仔何猷龍近年忙於喺賭業衝刺，好少見佢同太太羅秀茵出嚟公開場合。大前日5點幾就見到好少露面嘅羅秀茵，一個人去咗中環置地廣場行街濕平，素顏帶住墨鏡嘅何太，身邊只係有一個保鑣跟身，佢入咗名店Fendi睇嘢，舖頭嘅店員見到大客光臨，即刻搵咗兩個人招呼佢，前後30分鐘何太已經埋單走人，女士之中都算爽快，跟住佢同保鑣行咗去置地文華酒店上車離開。
採訪、攝影：羅德光
逢周五隨《蘋果日報》附送嘅時尚美容雜誌《add》雖然早已派完；拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！