在今年金像獎得到最佳女配角的陳靜（DaDa），人氣勁升工作不斷，近日成為道地百果園西瓜汁的代言人，日前她更毫不吝嗇穿上三點式大晒33D豐滿上圍拍廣告。拍攝當日DaDa到沙灘取景，不過因近來經常落雨，搞到拍攝一拖再拖，足足等了一個月。當天導演要求DaDa在沙路奔跑，還要高舉西瓜，結果她稍一不慎跣腳來個一字馬，幸好DaDa並冇受傷。
跣腳後DaDa又出意外，她一時失手將西瓜砸爛，DaDa即賴地硬說：「唔關我事，係地下硬咋，最多我食番個西瓜。」她果然連地上爛了的西瓜也不放過，就地大啖地狂咬，場面惹笑。此外，DaDa的白色三點式被粉底沾污，十分礙眼，DaDa即叫化妝師為她找來白花油，她不避嫌在胸部搓揉，污迹果然即時消失，為現場加添香艷小花絮。
撰文：丁寧
逢周五隨《蘋果日報》附送嘅時尚美容雜誌《add》雖然早已派完；拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！