電視撈飯:敖嘉年睇好收視回升

電視撈飯:敖嘉年睇好收視回升

俾觀眾鬧爆嘅無綫劇集《神探高倫布》終於進入結局篇,有份主演嘅馬賽同敖嘉年噚日喺新城做訪問,齊齊力撐劇味會越嚟越濃,仲會有好多伏筆,敖嘉年仲興奮咁話:「終於有人讚,唔係全部踩。呢兩集會更科幻,講我點再害更多人,害馬賽中槍、結局我係點死,有信心收視會回升。」而馬賽早前喺《玩嘢王》俾李思捷玩,有指可以喺最尾一集報仇,不過馬賽未諗到點整佢,敖嘉年就話要請思捷嘅緋聞女友出席㖭。

逢周五隨《蘋果日報》附送嘅時尚美容雜誌《add》雖然早已派完;拎唔到書嘅朋友,可以上番《add》嘅官網 http://hk.add.nextmedia.com睇番足本網上版,除咗有專訪外,仲有好多時裝靚嘢睇!