【百感交集】
永豐工人重返碼頭百感交集，有人堅決求去，有人醒覺過去多年「奴性」太重；亦有人記掛一直全力支持工友的巿民，認為加薪9.8%是「屈辱」方案，擔心接受了有負巿民期望。永豐橋邊理貨員阿梁昨報到後便辭職，直言心灰意冷：「𠵱家咁嘅安排其實都好勉強，但唔想搞壞件事，返去行一轉囉。」他感謝市民支持，「但係唔知我哋咁做，會唔會令佢哋失望，工友真係筋疲力盡；個個環境唔同，有啲仔細老婆嫩，真係要返工都冇辦法」。
阿梁強調最放不下一起罷工的高寶機手，「我哋返咗工，佢哋力量就會弱咗」。永豐「姑爺」布先生認為，今次結果反映香港大財團橫行無忌，對政府深感失望。
尚未有着落的機手陳先生說，「我由細到大都係奴性好重，好似奴隸咁，唔會話要反老闆；今次第一次出嚟，算係自己嘅創舉」。聯榮和培記的機手會待高寶機手全部「有着落」，才離開碼頭營地，一起復工。工會指碼頭人手短缺，相信機手復工問題不大。
《蘋果》記者