要於happy Friday搭的士，無疑是買大小的遊戲。不只一次半夜三更遭的士大佬用「唔過海」、「唔識路」等理由拒載，甚識做生意的他們往往在過海前，趁Samantha條battery bar得番10%，叫我轉車之餘仲理直氣壯收我半程錢。我等升斗市民都是以成本效益出發，最後加入「八五折的」行列，點對點但求盡快到達目的地。
近月搭的士，發現軚盤前「八折的司令台」（廿部電話）壯觀場面不再，取而代之剩返一部智能手機，司機大佬話多位總司令開發一個手機app，各人可輸入乘客的上落客點，附近的同行就能接單，可以走多幾轉之餘，實行有錢齊齊搵！更毋須同場加映電話駁電話的驚險場面。
所謂肥水不流別人田，的士大佬能夠與同行分享客源，簡直是大愛的表現。聞說創出此app的是一名大學生，現時尚未收費，但為了確保系統順暢，未來或者會收取不到100元的月費。司機大佬話走多幾轉又唔怕畀，物有所值吖嘛！
Samantha
本欄逢周三、五刊出