特首梁振英首份施政報告1月公佈，近日官場開始猜測，究竟梁第二份施政報告，會在10月還是明年1月公佈？因為這會直接影響一眾高級公務員未來幾個月工作，有官僚更猜測，梁選擇公佈施政報告時間，將取決於政府處理政改諮詢的部署。
影響施政報告公佈時間
有官僚對季陶說，若施政報告在10月公佈，按以往做法，各部門踏入5月，就要在內部研究來年有何新政要做，整理好之後就會交由7、8月召開的高層資源會議討論，特首再於各部門建議中，揀選「啱心水」的措施加入施政報告內。不過各部門至今未收到上級風聲，要為施政報告準備「功課」。
有官僚猜測，特首選擇10月還是明年1月公佈施政報告，未必會考慮有多少新政「落鑊」，「反正特首嘅指示係成熟一項推一項，根本係10月定係1月出施政報告，分別唔會好大，反正都未必有料到」。反而會考慮政府處理政改諮詢的部署：「如果1月先出施政報告，到時特首宣佈成立一個委員會諮詢政改，到時政黨、傳媒走晒去講政改，就算施政報告冇料到都冇乜嘢人會理。」
若10月公佈施政報告，特首未必可以拿出政改諮詢具體方案：「如果兩份施政報告都冇提政改，實俾泛民狂鬧，不如押後到1月先公佈。」另一官僚笑言，究竟是10月還是明年1月公佈施政報告，最重要是預早通知部門，「唔好拖到7、8月先話10月公佈施政報告，到時咪做死我哋！」
季陶