終審法院前常任法官包致金提出「法治現烏雲」論，可謂一石激起千重浪；包大人今日出版回憶錄，仲可能現身金鐘太古廣場搞新書發佈兼簽名會，唔知又會激起幾多重浪呢？
據知呢本回憶錄會包含200個圍繞包大人喺法律同生活上嘅小故事，寫出佢如何繼續支援司法制度，亦有李國能等昔日同僚分享趣聞軼事，以至包官喺法庭內外如何用天生豐富嘅幽默感笑看世界，都一一細列。
回憶錄書名Recollections，直譯就係「回憶」，言簡意賅，鍾意包大人簡單直接嘅fans，相信都唔會介意本書賣成差唔多五嚿水，即場買本，一定會覺得物有所值。