尖東忌廉哥有唔少fans，經常追訪佢一舉一動。如果你搭開巴士，有可能會喺新巴同城巴嘅電視上睇到忌廉哥嘅風采。新巴城巴嘅電視由buzplay提供節目內容，為咗打響名堂，佢哋請咗忌廉哥拍片谷收視。呢套「忌廉哥周記」，會喺5月10日左右出街，一共13集，內容講述忌廉哥失蹤咗14日，失蹤期間，究竟佢每日做過啲乜嘢？八方聽聞，呢套片拍咗三、四日，忌廉哥每日開工幾小時。為咗捕捉忌廉哥最精神一刻，工作人員每日上午7、8點就開工，事關呢段時間，忌廉哥最生猛，過咗呢個鐘數，佢就會好少郁動㗎啦。除咗有片，仲有兩部忌廉新巴同城巴，喺中環、灣仔、南區同過海線行走，睇吓會唔會好彩上到忌廉巴啦。