立法會連續幾星期拉布，一日未表決，原本周三大會有嘅口頭質詢環節都唔會有住，簡單而言，噚日立法會一開波，完成部份法案首讀同二讀就會開始拉布辯論。話說噚日環境局有條《2013年產品環保責任（修訂）條例草案》要首讀、二讀，點知負責嘅環保局局長黃錦星就夠晒鐘都唔見影，搞到立法會要休會等佢現身。
八方聽聞，原來有人記錯咗，以為噚日仲有口頭質詢環節，所以預錯時間去立法會。
雖然今次只係休會幾分鐘，黃局長就由政總飛奔到立會，但都俾議員笑佢係咪以為立法會主席已經剪咗布，所以會都唔使開會喎。八方見佢二讀完即時急腳離場，表情仲十分尷尬㖭。