【上環】洪天明同周家蔚為囝囝洪大仁前晚喺上環一酒樓搞百日宴，洪金寶、佘詩曼、黃日華同樂易玲等都有嚟。周家蔚抱囝囝見完一班好友後，就帶囝囝返屋企休息，之後再返酒樓。天明同家蔚以粉藍夫妻裝拖手接受訪問，面紅紅嘅天明話：「多謝太太咁辛苦照顧BB，佢好妒忌我，因為佢想生女同佢扮靚，但等多兩年先追多個。我都唔想老婆出去做嘢，專心湊BB，唔想佢太辛苦。」天明仲肉麻話送咗全世界最好嘅男人畀老婆㖭。
採訪：何慧斯
攝影：陳順禎
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！