政界：英國首相卡梅倫
「費格遜爵士在曼聯的成就非同凡響，希望我的愛隊阿士東維拉在他退休後可以在聯賽有更好表現吧。」
政界：民主黨張文光
「費格遜都71歲，呢日遲早會到，可能佢想係隊波高峯期光榮引退。佢係曼聯廿年來最重要嘅靈魂人物，有好大貢獻同影響。我哋作為Fans，支持一隊波就一世嘅事情，唔可能佢走就唔支持，希望隊波可以繼續加油。」
政界：前議員鄭家富
「我覺得佢決定合理，始終都71歲，𠵱家算係光榮引退。我大膽估計，摩連奴會帶C朗返曼聯……始終要有番咁上下quali嘅人領軍，將曼聯推去另一個高峯，如果由其他經驗較淺嘅人做呢個位會好大壓力。」
體育界：曼城後衞高柏尼
「費格遜爵士絕對是史上最佳教練之一。在十分成功的26年後，我們需要向他致敬。」
體育界：北愛高球手麥艾萊
「今天是一個時代的終結日！紅魔在最偉大的領隊費格遜退休後，一定會發現很難找到代替他的人！」
娛樂界：李克勤（超級曼聯fans）
「退休當然係可惜啦，其實老老實實……都71歲喇，咁始終都有呢一日啦。當然，佢教咗廿幾年曼聯，攞咗咁多冠軍，可以話係超級領隊啦，咁但係，總要需要有人去接替佢嘅。咁無論係𠵱家傳聞嘅傑斯定愛華頓嘅莫耶斯都好，我覺得短期內一定冇人接得到。咁但係，長線曼聯係一間有規模嘅球會，好有系統，我唔會覺得有任何一個人係代替唔到嘅，大家睇多兩場啦。」
娛樂界：李珊珊微博
「榮休。致敬。感謝。Sir Alex Ferguson。」
娛樂界：周秀娜（里奧費迪南好友）
「我哋唔係叫佢費Sir，向來叫佢Boss，Boss退休梗係唔捨得，但佢咁嘅年紀都要退落嚟，都算完美結局。Boss退休，曼聯仲有里奧撐住。」
