【中環置地廣場】平時出街黑超不離身嘅謝賢（四哥），閒時都係約啲朋友嘆茶傾偈。前日兩點鐘左右，一身潮look嘅四哥，同三位同齡嘅男子喺中環置地廣場飲茶。吹足一粒鐘之後，四哥同朋友好滿足咁離座，臨走時俾佢見到老遠有枱熟朋友喺度，四哥遞到隻手高一高咁say hi，之後先走人。同場仲有近期被官司纏身後變得低調嘅夢熊大師劉夢熊，見佢同朋友密密斟，對身邊嘢好似視而不見。
採訪、攝影：羅德光
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！