夏日將至，09年最上鏡小姐袁嘉敏（Candy）急不及待穿上比堅尼到沙灘舉行下水禮。現時擁34、23、34身段的袁嘉敏，較選美時更弗更誘人，原來她不時做運動保身段，今個夏天渴望蛻變，她說：「過往公司唔想我太性感，今年可以放鬆啲，𠵱家同無綫唔係經理人合約。」袁嘉敏不介意性感出擊，還向一眾拋胸靚女下戰書說：「我覺得我天生有呢啲身材喺度，又比較健康，夏天拎出嚟，接性感工作係好機會。我較嬌小，自己勝在均勻，只係腰幼睇落胸大。」
家無樽領衫
在無綫由主持到加入劇組，袁嘉敏力求解放說：「想做啲性感、妖艷角色，做主持打扮太正氣包到實，本身唔介意啲衫少布，呢個係我性格，比較適合自己，屋企啲衫都係吊帶低胸多，真係一件樽領都冇。」
採訪：卓寶花
泳衣：SHEER
化妝、髮型：Seci K Make-up artist
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！