【本報訊】國美（493）發盈喜，料截至今年3月底止的首季銷售收入，將較去年同期有所上升，並預期首季盈利亦會錄得增長，主因是與公司關連人士合營電子商務完成後，關連人士承擔了電子商務約40%虧損所致。相關消息昨曾刺激國美股價升逾6%。
有外資分析員指，國美今年首季業績可錄得大幅改善是意料之內的事，並相信公司業務已「觸底」，惟能否持續要看公司如何發展網上業務。
他說︰「（國美業績）由2011年年底衰到𠵱家，都可以叫做衰完，但之後可唔可以繼續好落去，真係好睇佢搞唔搞得掂網上業務。」
他續稱：「佢自己都講明，係因為有人分擔咗網上業務大約40%虧損，佢盈利先有得升，呢舊嘢幾時先賺到錢，國美自己都答唔到，但又要繼續燒錢……對於前景我就唔係咁睇好喇。」