炎夏將至，𡃁模又出動影寫真谷知名度，幸運就可博得機會拍戲上位，若然半紅不黑就要更加努力，關仁知道好多紅唔到嘅𡃁模，因為入行學識使大咗，見到名牌又恨買，為咗滿足呢啲物質之慾，好多都出賣自己。其中「美金」好捨得使錢整容，試問啱啱入行嘅佢邊有錢整，所以佢每次北上登台，成日順便姣媾夜店老闆，陪玩、陪飲又有下文。由於佢叫價唔算高，加上乜都肯制，所以生意長做長有，密食當三番。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！