荷李活當今愛情喜劇往往本小搏大利，像《非》般粒粒巨星實屬少見，戴安基頓、羅拔迪尼路、蘇珊莎朗頓、羅賓威廉士、雅曼達施菲、嘉芙蓮希歌——他們每位足以在單一電影裏獨當一面；安排眾人柴娃娃玩轉大龍鳳，有如賀歲片格局，唔講還以為睇緊《八星酒店》。
不幸地故事深度也跟賀歲片不遑多讓，一家五口帶埋親友關埋房門亂搞一通，用低俗鹹濕情節搏觀眾一笑，浪漫感性全欠奉，有點意想不到。名不太經傳的導演顯然駕馭不來，對比起近來性趣十足的《救婚365日》，它確實差了一截。不過此片勝在星光熠熠大堆頭，用演員魅力搭夠，正如今年《八》也會笑得出，對嗎？
敬璜
★★★
（5個★為滿分）
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！