懷胎七月的前港姐袁彩雲，昨日到銅鑼灣為好友王賢誌在now觀星台主持的節目做嘉賓，問到陀B情況？袁彩雲笑說：「暫時重咗廿幾磅，早兩日我檢查，醫生話BB好健康，聽完之後都好放心，醫生仲好肯定話係女，老公同奶奶知道都好開心。」她表示預產期在8月中，她已做好準備在香港生BB，不過因老公的工作繁忙，所以只會在8月來港陪她，她笑說：「因為我諗住順產，想感受吓痛嘅過程，仲好期待幫BB沖涼，所以我都唔知BB可唔可以配合到爹哋，有機會生咗先返到！」老公又有否獎勵？袁彩雲笑說：「未呀，佢係冇驚喜又唔浪漫嘅人，或者等我碌佢張卡買嘢畀自己。」
採訪：何慧斯
攝影：陳順禎
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！