【人間有情】
人稱「探長」的成伯（76歲），失去雙腳的自主權，卻不減他積極運動的堅毅決心，他每星期最少三天到九龍公園泳池游泳，職員與他熟稔如「老友」，「好多職員都認得我，我自己唔夠力上落水，啲救生員就會幫手扶我。」他感激地說。
坐在輪椅上的他堅持游泳，坦言不是為了強身健體，只因希望「有覺好瞓」，「20年前脊椎神經出現咗問題，如果唔做運動，雙腳就會抽筋，成晚瞓唔到」。他每天還須在家使用企立機輔助「站立」約3小時，令雙腿血液流通。
記者問成伯：「探長」這別號從何而來？「好耐之前有套劇集叫『無敵鐵探長』，啲職員見我係傷殘人士，咪同我開吓玩笑！」他嘿嘿笑道。
年輕時的他，原來已是游泳健將，20餘歲當過救生員，「我做過好多行囉，成衣買賣、環保回收、的士貨車司機、去東南亞走水貨都做過！」時光荏苒，此刻兒女各有家累，他退休後與妻子同住公屋，生活簡樸卻幸福。
向職員道謝：佢哋好好人
記者早前陪成伯到九龍公園泳池，有保安員見到他即打招呼，並笑說：「佢好勤力㗎！成日嚟游水。」當天天氣欠佳，但浮游在水中的成伯卻自得其樂。與記者道別前，他再三提醒：「記得幫我多謝班職員呀，佢哋真係好好人㗎！」
社會服務
◆匿名投訴恕不處理。一經投訴，本報保留刊登權利
◆報料熱線：29290000
◆社會服務熱線：29908288
◆蘋果日報慈善基金：29908688
◆電郵：mailto:[email protected]
◆傳真：37112468
◆網址： http://charity.appledaily.com.hk