河蟹橫行令無綫呢幾年要承受CCTVB污名，新聞及公共事務部製作嘅《新聞透視》早排突然抽起其中一集講碼頭風雲嘅專題，再引嚟天怒人怨。製作嗰集節目嘅首席編輯李賢哲原來已經正式辭職，據聞佢本人由始至終都好唔滿意上級要突然抽起節目嘅決定，所以即使被人挽留都決定離開。八方問過無綫外事部副總監曾醒明，佢證實李賢哲下月頭會正式離職。對於幾時先肯播番碼頭風雲，佢堅持要直至工潮完結先可以「好圓滿」咁播出嚟喎。八方執筆之際剛巧傳來碼頭工人決定結束罷工行動，唔知CCTVB係咪會播番呢集節目？