李寧（2331）前CEO張志勇又減持！聯交所資料顯示，張志勇上月中開始，持續減持李寧，每次沽貨量唔算多，截至上月30號，11次沽貨，累積套現948萬元。
張志勇舊年7月「被引退」，雖然仲係執行董事，又係董事會首席顧問，但佢已經好少露面，成間公司亦轉由私募基金股東TPG話事，TPG又密密向國際品牌挖角，搵咗好多新管理層加盟，市場都預期張總嘅角色會進一步淡化。
咁啱李寧上月完成埋單供股後，張總自4月15日開始，連續11次喺市場減持李寧股份，差唔多日日都沽少少，沽貨價介乎4蚊左右。
有錢落袋永遠係最實際，張總咁樣慢慢沽，都唔會拖低李寧股價，股東應該唔會抗議嘅，即使遇到抗議，張總不妨借用老闆李寧嗰句：「很多東西都是遺憾」。