（樂）周日意甲，巴洛迪利相當叻仔，喺84分鐘建功，幫AC米蘭主場以1:0險勝拖連奴。不過，叻仔完就變腦殘，走去除衫慶祝，博攞黃牌！隊友蒙達利見到巴神咁腦殘，好鬼死嬲，走去搶咗球證張黃牌，親自喺巴神面前舉牌警告佢！球證都好體諒蒙達利嘅心情，笑笑口咁拎番張牌後，冇追究到佢搶嘢；最後球證真真正正向巴洛迪利出示黃牌。