政府將一億公帑盲捐四川，投票支持嘅一班保皇黨日日俾市民喊打。噚日《城市論壇》討論香港應唔應該捐呢筆錢，禮義廉唔知係咪驚會中到一身箭，啲有份投票嘅大佬全部潛水，派咗青年民建聯主席周浩鼎做「死士」應戰，結果佢當然係壯烈犧牲啦。
陳偉業︰孭鑊就搵青年民建聯
大會其實搵過民建聯啲議員出席，但好幾個人都話咁啱有事嚟唔到喎，其中包括「元秋」蔣麗芸。嘉賓之一嘅陳偉業就話，呢啲就係民建聯嘅做事態度囉，「有着數就仆住去，要孭鑊就搵青年民建聯」。
周浩鼎又被自稱高登巴打嘅觀眾挑機，稱呼佢做「禮義廉」，問佢點睇災區有一地物資被當垃圾。