【本報訊】施比受更有福，若能感染身邊人一同施予，更是樂事。基隆茶餐廳愛心老闆娘曹德雪，早年曾面對生意失敗，幸獲身邊人援手走過低谷。多年後生活安定，決心回饋社會，免費送飯盒予基層學童和露宿者。通脹令經營成本暴升，她仍月花近萬元做善事，更感染一眾員工齊心幫忙，「盡量做，做到真係做唔到為止」。
記者：袁樂婷
現為茶餐廳老闆的曹德雪早前曾經營製衣生意，但後期常周轉不靈，「連出糧都冇錢，又要找數畀人，負擔好大」。正愁「冇錢過年」時，幸得業主和員工包容，「業主知我真係好唔掂，通融啲遲啲收租；員工又肯幫我捱」，更有朋友主動闢出店舖一角，讓她寄賣存貨，「真係好多謝佢哋！但始終銀碼越滾越大，冇得再經營落去」。
七年前再踏創業路
曹德雪經歷生意失敗後做過打工仔，七年前她決定重踏創業路，於太子界限街開設基隆茶餐廳，多年來不時免費送飯給露宿者。年多前更與基督教青年會合作，周一至周五準備30個飯盒，為參與課後託管的基層學童提供免費晚餐。聖雅各福群會、童軍總會等機構也曾與她合作，每個飯盒只收成本價12元。「未必幫到好多，但幫得到嘅我都會幫」。
年多前她開始與基督教青年會合作，周一至周五風雨不改，準備30個飯盒，為參與課後託管的基層學童提供免費晚餐。另外與聖雅各福群會、童軍總會等機構合作，飯盒只收成本價12元。深水埗區露宿者多，她間中亦會準備數十個飯盒，送給天橋下的街坊，「未必幫到好多，但起碼生活有改善，幫到嘅都會幫」。
她月花8,000元送飯，現時工資、食材、水電樣樣貴，旁人或替她揑把汗，擔心能否「撐得住」，她卻樂在其中，「夠錢出糧就得啦！其實係社會責任，唔覺得有壓力，反而知道有人有需要，而我幫唔到佢，會唔開心」。
去年獲頒愛心商戶
廚房只得五名廚師，為趕及製作飯盒給學童，其中三名廚師要「拍硬檔」，「一路忙下午茶一路整啲飯，其實下午茶都幾旺，都辛苦㗎」。工作量加倍，但伙記從沒怨言，更幫忙設計少油多菜健康餐單，盡力照顧學童需要。基隆茶餐廳的善舉獲得肯定，去年獲社署頒發「傑出社區愛心商戶」獎。