【本報訊】政府擬把中上環兩個停車場改建商廈，公民黨毛孟靜認為需考慮環境和交通問題，「我曾經質問過陸恭蕙（環境局副局長）點處理，但佢都話唔知點算。建議仲要經城規會，如果冇全盤計劃就唔可以亂拆停車場」。
改變用途或加劇擠塞
她指天星碼頭停車場鄰近未來解放軍碼頭，質疑有人恐怕民用停車場過於靠近軍用設施，可能構成威脅而匆匆拆掉，「好多人會去天星碼頭停車場睇煙花，呢度有好多回憶，加上有高度限制，希望政府諗吓值唔值得」。
醫學界立法會議員梁家騮亦質疑運輸署計算方法不對，「如果24小時計，咁都可以話中環道路使用率都好低」，他以過來人經驗稱，經常遇到天星碼頭停車場近爆滿，認為停車場有存在價值。
在中環執業的李德誠醫生直言：「中環車位幾時都唔夠。」而天星碼頭及林士街政府停車場可作紓緩，如改變用途可能加劇擠塞情況。
他同時批評天星碼頭停車場管理不善，「天花石屎剝落、漏水、冇防盜錄影」，認為需改善，但碼頭旁有停車場是有歷史背景，「我睇過舊圖片，知道60年代左右嗰度已經係停車場，嗰度已經係海皮，啲人泊車後去中環返工，如果有好逼切原因，先至可以改變」。