紅十字會搞咗個「中學生最關心的人道新聞選舉」，今年喺30宗新聞中投票，3月至4月有約一萬個中學生投票，最高票數嘅十單新聞，有八宗喺海外發生嘅殘暴對待兒童、強姦少女等事件。
海難救人報道排第十位
排第一位嘅新聞係美國少女俾人活生生地鋸開虐殺然後分屍，第二位新聞都好恐怖，係俄羅斯森林入面有248具嬰屍。原來學生將暴力程度同人道掛鈎。港媽餵稀釋奶粉餓死BB呢單殘忍嘅虐兒案就排第六位，南丫海難救人英雄新聞就排第十位。
大會就覺得今次選舉結果嘅新聞咁負面，有可能係暴力新聞標題吸引眼球，同學仔關心弱勢社群被凌虐嘅問題。其實，大會提供嘅30單新聞入面，除咗三單係正面啲，其餘都係強姦、虐殺等事件。唔通呢類新聞，多學生捧場？