【本報訊】巨鴨風靡全城！尖沙嘴天星碼頭旁的商店就趁機發「鴨仔財」，即時售賣與鴨仔相關的產品或精品，有報紙檔日前開始售賣黃色鴨仔公仔，價錢由10至80元不等，吸引大批鴨迷爭相搶購，日賣逾千隻，昨天星期日更要補貨滿足鴨迷需求。
天星碼頭旁的報紙檔除了售賣雜誌、報紙、零食及飲品外，近日多了鴨仔公仔出售。負責人透露，從批發商購入大批沖涼鴨仔，分大、中、小三款，售價由10至25元不等，另更有鴨仔家族出售，每套80元，「呢款好多人買，因為有水泡仔，又有鴨爸爸、媽媽，好多小朋友鍾意，初時入咗100套都唔夠賣，今日（噚日）要再返貨。」
日賣逾千隻公仔
他稱，因為巨鴨訪港人流大增，「只有放煙花先有咁多人，真係好墟冚」。單是昨天報紙檔已售出千隻鴨仔，大發鴨仔財。在星光行地庫經營精品及糖果店的楊小姐也推出「鴨仔幸運杯」，每隻售68元，更在行人路上掛上廣告作招徠，昨天已售出一百隻，「見到隻鴨咁多人鍾意，試吓賣相關精品，估唔到咁受歡迎」。