唔知大家仲記唔記得88年亞洲小姐亞軍曾小燕參選嗰陣發生嘅露毛事件呢？當年曾小燕為咗喺旗袍環節效果好啲，竟然膽粗粗唔着底褲真空上陣，點知喺後台換衫時，俾人偷拍咗露毛照，當時真係轟動成個娛樂圈，後來佢喺娛樂圈發展咗一輪就離開咗。
噚日曾小燕喺亞視大埔總台接受《亞姐百人》節目訪問，退出咁多年，曾小燕都保養得好好，再次面對傳媒表現輕鬆，講到當年嘅走光事件，會唔會喺節目分享感受呢？佢話：「唔會喇！太耐喇，我都唔係好記得。」咁件事對佢係咪好大打擊？佢語氣平靜咁話：「係人生裏面好好嘅經驗，對我出嚟做嘢、處事，面對每件幾難嘅事，唔會匿埋，敢於面對所有難題，唔會覺得係黑影。」
獨力養12歲子
至於近況，曾小燕去咗澳門12年，𠵱家獨力照顧12歲嘅囝囝，因為佢同老公喺囝囝1歲時已經離咗婚，工作方面，佢喺澳門嘅賭場做管理層，開始時由公關低層做起，咁有冇掛住娛樂圈呀？曾小燕話有但為咗照顧囝囝，唔會諗復出。問到有冇人追，佢話：「冇咁諗，緣份好難講，𠵱家有囝囝已好滿足，有冇感情生活都唔會強求。」
撰文：馮仁昭
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/