巨鴨Rubber Duck前日吸引30萬人海陸圍攻追擊，人潮逼爆海運碼頭和海港城，鴨鴨來港不忙行善，一系列限量版精品的收益將捐予「心晴行動慈善基金」，一眾名人歌星亦響應支持，日前分批與巨鴨合照，宣揚快樂訊息。
鴨鴨賀母親節
當中何韻詩拿着大水喉為巨鴨洗白白，更把水灑在自己身上，齊齊降溫！監製彭浩翔率領電影《飛虎出征》眾演員杜汶澤、余文樂及曾國祥等，穿上厚厚飛虎戰衣出征捉鴨，樂仔熱得汗流浹背亦沒有怨言：「我哋仲帶埋佩槍，就知我哋嘅重視程度。」他於昨晚在微博上載另一張自家合照，只見阿澤竟面向鴨鴨除褲露底，大玩不文。而樂隊RubberBand、連詩雅、官恩娜、周柏豪及王菀之等亦親親鴨鴨。
譚詠麟的年邁媽咪同樣加入追鴨行列，昨日阿倫在微博上載譚媽媽睇鴨相並留言：「陳珍妮本周最開心的事看鴨，而我最希望騎上鴨背遊維港！」
另外，羅敏莊和林盛斌（Bob）昨日現身馬鞍山為「萬能媽媽Show」活動擔任嘉賓慶祝母親節，大會安排一隻B.Duck到場助興趁熱鬧。育有6個月大囡囡的羅敏莊說：「一早就知道媽咪偉大，今年媽咪仲要幫我湊埋女，真係極度偉大，所以今年會全力同媽咪慶祝。」
採訪：張俊銘
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/