由邵善波擔任首席顧問嘅中央政策組，去年7月係威係勢咁招聘高級研究主任，講明申請人要有博士學位。
申請人只須有學士學位
但唔夠一年，被視為「梁粉中宣部」嘅中策組又請人，但今次突然降格，申請人只要有個學士學位就有得傾，係咪冇人肯埋堆，又或者係流失嚴重，搞到要降格請人咁失威？
不過，呢份工嘅人工水平一啲都唔低，月薪由4.1萬至5.2萬。申請人可以申請埋另一份中策組嘅行政主任工作，月薪近3.8萬，但要求竟然比人工高一截嘅高級研究主任高，申請人除咗要有四年工作經驗，仲要喺香港高考嘅中文科取得C級成績。請人都請到咁矛盾，中策組內部有幾混亂，真係不敢想像。