係人都知多蒙特中堅曉姆斯嘅女友嘉菲索爆，日前就有報道指隊友蘇保迪想撬佢牆腳；蘇保迪之後嗱嗱臨出嚟澄清，發誓自己冇勾義嫂。佢咁話：「我同曉姆斯係老友，我絕對唔會做啲咁嘅事。」曉姆斯亦相信蘇保迪，仲表示由於佢哋係德甲球星，先至有人造謠生事。講真，曉姆斯無論外型抑或人氣都贏蘇保迪，加上佢同嘉菲拍咗6年拖，就算蘇保迪真係想，都未必可以得手囉。