今次不用多謝高登先，皆因陳靜（DaDa）的童年私照由她提供。現年24歲的DaDa憑「爆炸糖」角色一爆成名，勇奪金像獎最佳女配角，成功由𡃁模轉型為演員。性格硬朗的她，原來在破碎家庭長大，父母離異令她變得更獨立。
撰文：溫敏芝
陳靜在電影《低俗喜劇》中飾「爆炸糖」一角，攀登香港電影金像獎最佳女配角，令她歡喜若狂。在港出世的DaDa自小已培養獨立性格，原來與父母離異有關，她說：「我讀幼稚園前，因為父母分開，媽咪冇時間湊我，我就跟公公婆婆喺上海住咗兩年，家姐就留喺香港跟爹哋。雖然𠵱家同媽咪、家姐各有各忙好少見，但屋企人都好支持我入行，嗰晚得獎，媽咪喺台下都呆咗，大家都好興奮。」
「我細個係宅女」
DaDa在戲裏戲外都索到爆，有誰知道她童年時竟是男仔頭一名？她說：「細個婆婆當我男仔咁湊，已經成個男仔頭。我讀中一時，媽咪有男朋友、有自己嘅生活，我已經開始自己住，所以我好細個連水、電都識，可以照顧自己。」沒有父母的照顧，DaDa坦言當年學業成績頗差，慶幸是沒有學壞，她說：「我細個係個宅女，最鍾意喺屋企打機同睇漫畫，唔鍾意出街，原本媽咪想供我去外國讀書，但嗰時又驚唔敢去，所以將來有機會我都想去遊學，增廣見聞。」
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/