相識相交三十幾年，能夠維繫這一段友情絕非易事。露雲娜13歲便認識賈思樂，多年後簽約成為無綫歌手。由於大家都是「鬼聲鬼氣」，於是被當年話事人梁淑怡睇中，組成一男一女合唱團、主持音樂節目《樂在其中》，大受歡迎。
二人的合襯及合拍程度曾令不少人誤會他們是真正情侶，Louie哈哈大笑說：「之前Kawaii仲話以為我哋兩個係夫妻，我咪笑佢做咗呢行幾多年呀？其實一直以嚟好多人以為我哋兩個真係拍拖，又有好多成日話我哋好有夫妻相。」Rowena接着說：「我哋真係好夾㗎，唱歌時佢唱主音我就好自然和到佢把聲。識咗咁耐唔使成日搵，佢又好清楚我諗乜、同埋好錫我。總之有乜問題我都會問佢意見，之前同陳奕迅合唱嗰首歌，我都係問Louie我應唔應該唱。」
能夠成為多年好朋友而從沒有爭吵，Louie強調當中最重要的是尊重，他說：「好似佢遇到感情上嘅問題，我係知道，但我絕對唔會主動去八卦，一個人唔想講一定有苦衷，做朋友同做情人一樣唔好過份關心，過份緊張唔代表好事。」
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/