英國傳媒披露，曼聯前鋒尹佩斯下季會着9號球衣。貝碧托夫今季轉會富咸，紅魔件9號一直懸空；因為尹佩斯喺季初加盟嗰陣貝碧仲未走，所以佢揀住件20號頂住先，話咁係代表要幫曼聯拎第20個聯賽冠軍。𠵱家冠軍拎咗，所以佢就想換番件代表射手嘅9號球衣；但曼聯球迷或者想佢揀21號，之後最好仲要年年換號碼。