永恒策略（764）嚟自中國星（326）潛在變現，超級肥仔水，又現三線滙合，等爆。永恒揸住嘅中國星，啱通過派特別股息，每股4仙，永恒已經可以袋超過3,000萬銀。又之前永恒講過，計劃沽售中國星全數權益（最高可達38.28億股）。後邊中國星，啱創出三年高位，最新報0.42元，永恒潛在變現16億銀，代表永恒每股3.52元。永恒現價幾銀？得1.2元。又永恒hold中國星成本價，每股約0.142元，永恒若果真係落實呢壇大製作，可獲利高達10.8億銀，又相當於永恒每股2.37元，又係遠遠超過集團現價。計咁數，永恒升到上呢個嚟自中國星變現嘅每股潛在利潤，現價幾乎要翻一番，亦未有耐上到連潛在變現嘅每股淨現金值5.5元。
勵晶大折讓墊底
勵晶太平洋（575）對上星期四，突然一棍，有挨近4,000萬股成交，似係熱身。而集團由1月高位跌咗近四成，現價（0.114元）相對每股NAV 0.32元，折讓64%，有唔錯折讓墊底。再講，喺資產值當中，完全冇涉及到商譽或勘深評估呢類比較浮嘅資產，好實淨。趁集團交投先嚟料，短打博升20%到0.135元，未有耐上到NAV。
錢雋