俗語有話：兩母子邊有隔夜仇，但係養傷中嘅湖人巨星拜恩，竟然因為阿媽要賣走佢高中同效力湖人早期嘅紀念品，而告到上法庭。話說拜恩媽早前想喺內華達州買新屋，執晒拜恩後生時啲嘢賣畀新澤西一間拍賣會，仲收到45萬美元（約200萬港元）。拜恩知道之後提出畀25萬阿媽，條件係保留番啲紀念品，但係拜恩媽say no，所以拜恩惟有告上法庭出禁令囉。