世界桌球錦標賽4強，衞冕嘅「火箭」奧蘇利雲上周五同世界排名第3嘅鄧立普打到第23局，竟做出搞下體嘅不文動作娛樂觀眾。不過，女球證唔多鍾意佢咁做，喺火箭打下一cue之前行埋去警告佢行為要檢點啲。火箭就話自己只係想捽捽支球桿，等支桿乾爽啲喎。之後一日，火箭順風順水以總局數17:11擊敗對手入決賽，將會同禾頓對賀健士嘅勝方。