名牌袋有價有市，二手貨都可以成為現代女性的理財工具，皆因二手袋套現途徑多多。賣斷即時變現、抵押借錢應急，甚至可以出租搵銀。不過現時市場仍未形成透明的二手袋定價機制，而且甚受潮流影響，放袋前記緊要先做功課。
記者：李芳芳
二手袋買賣由米蘭站（1150）於01年帶起熱潮後，至今已發展到旺區街道滿佈此類二手店。日本二手買賣專家BrandOff自08年進軍本港後，現時已有9間分店，其香港區域經理根間正和表示，會回收多達50種大眾公認的歐美品牌，連YSL、Balenciaga、Anteprima等亦接受，但都是有基準可供鑑辨真偽的品牌手袋，即每款袋有特定線位和花紋等，該公司資料庫存有每款袋的詳細辨偽資料。不過，一些經常轉款的設計師品牌，即使出自名師之手，因難分真假，一般不會回收。
Hermès及Chanel最保值
放袋並無劃一計價準則，根間正和指，二手袋回收價值通常由其人氣度決定，即視乎市場需求，再看該品牌的定價及手袋條件，回收價幅度相當大。而九成手袋都隨時間折舊，只有Hermès、Chanel Vintage和Louis Vuitton限量版，可抵抗時間不貶值。
假如客戶認為回收價不合理，可擺在店內寄售，簽訂可接受的價格協議，公司會視乎市況自行標價放售，售出後物主取回協議的金額；若三個月未售出，物主可免費取回手袋。
米蘭站則只有買賣服務，其市場部助理經理袁昭慧表示，大品牌袋一定收，有20多個歐美品牌，但部份貨量多的款式可能拒收。最保值要數Hermès和Chanel經典款，而LV最受歡迎，特別有Monogram圖案的價值較高。她說，近期流行專門店斷貨的Celine笑臉包和Prada殺手包，「流行嘅袋款九成新，唔錯嘅話可以賣到原價七成。」女士慣常袋換袋，放袋客享九至九五折購新貨，二手貨品八五至九折。
放租兩日約$300 三七分賬
不同二手店的回收價都有差異，女士放袋前可以先格價。根間正和承認，各地回收價有所不同，部份地區可能優於本港，如內地奢侈品高關稅推高專門店定價，間接影響二手價；而日本分店的回收品牌範圍更大。米蘭站分店亦開到內地，袁昭慧指，內地回收價應較本港高，但要視乎每款袋當時的回收價。
若手袋款式新潮，也能通過有代租服務的ICONLady出租賺錢。該公司負責人陳小姐表示，放租通常與物主簽訂租價協議，按三七分賬租金，但部份物料易有損耗的手袋，一般均不會建議寄租。
八成客都是租用晚宴袋，租用價值5,000元的袋兩日一夜需200至300元，過萬元的BV、LV都是300至400元。客戶都甚有公德心，較為愛護租用的手袋，開業至今未試過出現整壞袋的個案。公司亦可代售手袋，最多抽佣兩成。
【賣袋注意】
女士點睇
經典款最保值
環球信貸董事 王瑤
「身邊嘅朋友唔介意用二手袋，通常都頗新淨。佢哋都係消費得起嘅人，用年幾就攞去trade-in，最多係喺二手店放出去，然後加錢換袋。潮流同值錢係成反比，試過有三年嘅Chanel袋都唔收，只有最大牌子嘅經典款保值，所以想保值唔好貪潮，應該揀年年款色差唔多嘅。但不會攞個袋去抵押借錢，息口太貴，不如索性賣袋。」
寧願賣畀朋友
藝人 徐淑敏
「屋企人賣過兩個Miu Miu袋，個色太難襯衫，用咗一次就唔想用，萬二蚊買返嚟，九成九新賣畀二手店得二千幾蚊，喺同一條街問過幾間唔同舖頭都差不多，真係賤賣！如果個袋款係吸引，最好自己搵買家，可以喺fb擺相，喺朋友圈散袋畀靚太，1萬蚊嘅袋九成新可以賣到5,000蚊。Hermès Birkin點都有人要，隨時賣得高過原價」。
