【拆局】
特首梁振英忽然「發威」，形容政改諮詢要先請示喬曉陽是「垃圾」，不少政界人士認為，梁想扭轉外界覺得他在政改問題上，是北京扯線公仔的觀感，可是梁至今仍不能交出政改時間表，也從不交代對普選特首的看法，「（梁振英）講到幾威都冇用，佢行動上已話畀人知佢喺廢嘅，要睇北京面色做人！」
北京直接操控
有政界人士指，梁振英的「垃圾論」就算無意針對喬曉陽，也會令人覺得他「唔畀面」喬：「佢（梁振英）潛台詞係喬曉陽咁低級，我使乜問佢。但咁樣踩低人抬高自己，喺內地官場唔會咁做。」
該政界人士相信，梁振英想藉此扭轉市民認為他在政改問題上沒角色的印象，試圖由隱形變現形，所以藉機「發威」。
不過，有商界人士指出，由喬曉陽南下為政改「宣旨」，北京一直以行動說明，政改由中央直接操控，相反梁振英上任至今，「冇政改諮詢時間表、冇講過對普選特首嘅睇法，施政報告入面（政改）得一細段」。
他又表示，就算梁聲言不用聽命北京，「但冇任何具體行動，最後市民都會覺得你喺廢嘅」。
《蘋果》記者