歐央行減息四分之一厘，符合預期，港滙昨日顯著轉強，回落至7.76以下水平，但港股成交仍疲弱，未有隨港滙回勇而增加，反映泊港熱錢未必會流向股市，可能是趁機去A股搵食，加上阿爺受地方債問題困擾，市傳可能將明年GDP增長目標降至約7%，而歐美經濟數據亦唔理想，後市魏力仍然偏淡，相信回試二萬二機會大。
資金追炒幾個板塊，近日推介的中國無線（2369）入圍中移動（941）4G手機名單，股價連日創新高，未有貨可待回落至3.10元附近上車。億和（838）亦大成交突破一年高位，中線直指兩蚊。
頁岩氣股強足一年，安東油田（3337）及宏華（196）升咗幾倍，要搵較有質素的股份追落後，可吼海隆控股（1623）。海隆係全球第二大頁岩氣專用鑽桿供應商，內地更排首位，市佔率達45%。公司管理層人脈廣闊，主席張軍大學畢業後即加入中石油（857）旗下的華北油田，並率先將鑽桿塗層概念引入中國，可謂業界老行尊。目前海隆主要定單來自中石油、中石化（386）及中海油（883），可見深得國企信賴。
彭博今年預測PE得10倍，安東油田呢？26倍。以13倍PE做目標，可見4.30元，戰友可趁股價破頂時順勢追入。
魏力
http://www.facebook.com/2012jason
本欄逢周一、二、四、五刊出