蔡少芬（Ada）、陳豪及鄧萃雯等主演的無綫劇《金枝慾孽貳》，自播出以來收視並不理想，有市民嫌角色太多支線令劇情太亂，而鄧萃雯前日接受訪問時更疑似「跳船」，表示拍攝時沒有劇本，所以觀眾不明白亦屬正常。雖然未知監製戚其義對被爆沒有劇本有何感覺，幸而愛將Ada昨日開腔力撐阿戚。
Ada昨日到柴灣為護膚品牌拍廣告，誕下第二名女兒不久的她已極速收身，不過她坦言希望再瘦8磅，又表示細女現在一個月大，一日多餐吃人奶，令她頗為吃力，更宣佈封肚不生。
跟雯女唱反調
提到《金枝貳》收視不佳，Ada坦言有點難過，她說：「希望觀眾可以畀多啲耐性，睇呢套劇唔可以去廁所、唔可以食嘢同講嘢，要好專心咁睇，老公陪我睇時都係廣告時間先湊女。」談到雯女表示拍攝時沒劇本，Ada力撐阿戚說：「其實係有分場，分晒每一集講乜，發生乜事，雖然冇對白但有大綱。我同阿戚合作都慣咗，好處係唔使咁多時間做功課，冇咁大壓力，演出嚟都冇咁設計。」
會否是雯女跟阿戚有誤會？Ada表示：「希望佢哋唔係有誤會，而且每人需要都唔同，我頭先所講都係自己部份。」至於她跟阿戚合作過的四部劇收視也不太好，Ada表示：「天時地利人和，冇得話唔係好，好似《珠光寶氣》喺內地都幫我好多，接多咗工作，收視對我嚟講係重要，但係我更加享受過程，收視點都好，搵我會再拍係因為質素好，雖然劇本飛紙仔辛苦。」
採訪：文國駿
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/