法國總統奧朗德去年中上任後，又減薪又少用私人飛機，實行以身作則，帶頭減省開支做好榜樣，近日又打算將總統府所藏十分之一名酒（約一千二百支）拿出來拍賣，預料賣得二百五十五萬港元，幫補修葺及翻新愛麗舍宮，做法可取。為政者本來就應該以儉為本，小心運用公帑。香港目前雖然有七千億儲備，有排都使唔晒，但政府花錢亦要小心，畢竟這是納稅人的錢，每次換屆都花千萬裝修禮賓府，有這個需要嗎？
奧朗德雖夠慳儉，但經濟政策卻行不通，他向年賺一百萬歐元以上的富人徵收75%稅額的建議，未實施就把富人嚇跑，可幸後來被裁定不合憲法和違反賦稅公平原則。但他仍未死心，又打算向公司埋手，向有年薪百萬歐元員工的企業徵收75%重稅。沙膽虹心想，可幸香港一直奉行簡單低稅率，年薪一億七千九百萬的和黃霍大班，即使現在日日被人鬧，亦不會有人建議要向他徵75%重稅，否則香港休矣！
沙膽虹
twitter賬號：khcheung1