【本報資料】沙田草地由內至外分A、B及C欄，連續三戰跑田草，上周日用Ａ欄，周中用C加3欄，周日用A加3欄，C加3轉到A加3，兩者位置不同，所以今次跑道情況不受剛戰馬匹踐踏影響，反而早前用Ａ欄，不少外檔馬衝贏，包括「隨心隨意」及「好好計」等，而當日外叠場地即等同今戰A加3的內欄，所以內叠場地情況或較差，外欄場地應較佳。
跑法：天文台預測周日多雲及有幾陣雨，但相信對場地影響有限。睇番最近3月24日同一移欄賽事，同樣是利中外叠後上馬，「如你所願」、「好勁寶」、「紅衣巨龍」、「友誼大使」、「各適其適」、「夢仙」及「海鑽石」都係轉彎守二三叠有遮擋位置，入直路後順勢移出外欄場地衝贏對手，選馬時不宜過份側重中內檔之前置馬。
馬匹：第三場「友誼大使」上仗正是於3月24日田A加3欄贏馬，勝後等番同一移欄再上陣，睇部署決心添食。此外，尾場「確叻迅」歷季四捷有三次在A加3欄取得，亦是全場唯一贏過此移欄之參戰馬，場地性能不用懷疑，可作為投注重心。
睇片： http://hk.racing.nextmedia.com